Адрес:
- Минская область, Минский район, аг. Озерцо, Белорусский государственный музей народной архитектуры и быта
Святыя вечары, Крывыя вечары, Каляды – так называлі старажытныя святкаванні ў гонар зімовага сонцастаяння. Паступова народныя традыцыі спалучыліся з хрысціянскімі – царква прымеркавала да гэтага дня рэлігійнае свята Нараджэння Хрыстова. У залежнасці ад веравызнання Каляды святкуюцца ў розныя даты: у католікаў з 24 снежня па 6 студзеня і ў праваслаўных вернікаў з 6 па 19 студзеня.
Напярэдадні Калядаў з самай раніцы ў кожнай хаце старанна прыбіраліся, уся сям’я мылася, а пасля пачыналі гатаваць вячэру. Абавязковай абрадавай ежай была куцця – каша з таўчоных ячменных круп, якая сімвалізавала дабрабыт у будучым годзе. Рыхтавалі пачастункі і для калядоўшчыкаў – гурта людзей, якія віншавалі гаспадароў са святам.
Запрашаем усіх далучыцца да народных традыцый у музеі пад адкрытым небам!
Вас чакае:
- Рэканструкцыя каляднага абыходу
- Лялечны тэатр «Батлейка»
- Ценявы тэатр «Вяртэп»
- Выраб калядных упрыгожванняў з саломкі
- Варожбы
-Развучванне калядных песень
- Традыцыйныя гульні і танцы
- Выступленне фальклорнага гурта «Явар»
- Частаванне гарбатай з зёлак